Niko Peleshi, kreu i grupit parlamentar të PS, ka mbajtur fjalën e tij në Parlament pas rikthimit pas rreth dy muajsh të punimeve.
Peleshi mes thirrjeve të opozitës kundrejt mazhorancës, u shpreh se “këtu jemi në parlament dhe jo në cirk.
Ndërkohë , ai theksoi se grupi i PS është dakord të rifillojnë punimet pas fushatës, dhe se deri në korrik do të ketë edhe 5 ose 6 seanca të tjera intensive.
“Jemi si grup parlamentar dakord që të rifillojmë punën pas një fushate të suksesshme për të gjithë, vendin dhe shqiptarët. Jemi në parlament jo në cirk këtu! Natyrisht që kemi plot arsye që të kërkojmë diskutime jashtë rendit të ditës sepse kemi shumë arsye. Do kemi disa seanca intensive deri në fillim të korrikut”, tha Peleshi.
