Kryetarët e grupeve parlamentare të opozitës përmes një letre të protokolluar sot në Kryesinë e Kuvendit, i kanë kërkuar kryetarit Gramoz Ruçi që të mos votohet ligji i rishikuar i Teatrit, sepse është shkelje e Kushtetutës dhe Rregullores së parlamentit. Sipas tyre, nëse votohet pro dekretit të Presidentit, aty nuk mund të bëhen ndryshime apo shtesa.
Në të kundërt, opozita paralajmëron Ruçin se do të ketë kosto politike dhe ligjore.
‘Miratimi i Ligjit për Teatrin është antikushtetues. Dekreti i presidentit rrëzon ligjin në tërësi. Votimi i djeshëm është atentat kushtetues.
Maxhoranca juaj ka dhunuar kushtetutën. Kuvendi duhet të votojë vetëm pro dekretit të presidentit. Gjykata Kushtetuese është jashtë funksionit, mbroni ligjin’.
Letra është firmosur nga Petrit Vasili dhe Edmond Spaho.
*Shkresa zyrtare e siguruar nga Opinion.al
