TIRANË- Takimi i së premtes, mbase për shkak të Krishlindjeve u spostua për të shtunën. Kryetarët e partive të koalicionit qeverisës, Rama-Meta, qendruar për më shumë se dy orë aty ku mblidhen gjithnjë, vila 30. Bashkë me ta ministri i Drejtësisë dhe dy kryetarët e grupeve.
Ndryshe nga herët e tjera ku nxirrnin ministrat për të folur për median, Rama dhe Meta kanë dale vetë para mikrofonëve. Me një deklaratë thuajse unike për reformën në drejtësi. Por rolin e opozitës në këtë proces ata e shohin në këndvështrime të ndryshme. Për Metën opozita kontriboj në këtë reformë, ndërsa për Ramën jo, madje tha se deshi ta përccante këtë nismë të mazhorancës.
Ja çfarë thanë ata:
Rama: “Ndamë me njëri-tjetrin kënaqësinë që trendit të reformës iu bashkua edhe PD. Jam i kënaqur, se kaluan shumë kohë duke pritur të ndalej treni, e hipën vetë në tren. Ky është një lajm shumë i mirë”.
Meta: “Duhet të vlerësojmë punë e madhe të bërë deri më tani, ku ka patur një proces gjithëpërfshirës të gjithë forcave politike, përfshirë edhe opozitën që kontribuoi me propozimet e saj. Fakti që të gjithë aktorët politikë, janë të kënaqur me vlerësimet e këtij komisioni, tregon që puna jonë për të ecur më shpejt për kurorëzimin e kësaj reforme në pranverë është plotësisht e realizueshme.
