Rudina Hajdari duket se nuk do të jetë më bashkëkryetare e Komisionit të Posaçëm parlamentar të Reformës Zgjedhore.
Tre grupe parlamentare të opozitës kanë kërkuar zëvedësimin e saj me Myslym Murrizin i cili disa javë më parë zuri vendin e saj në krye të grupit parlamentar demokrat.
Në kërkesën që tre grupet parlamentare i kanë dorëzuar Kuvendit kërkohet që në Komisionin e Posaçëm të Reformës zgjedhore t’i përfaqësojë Myslim Murrizi.
Sipas tyre, Hajdari nuk mund të përfaqësojë më opozitën parlamentare pasi ka firmosur një marrëveshje që nuk janë dakord dhe nuk e votojnë në Kuvend.
Kujtojmë se më herët grupet opozitare i kanë dërguar një draft ku i kërkojnë Kuvendit ndryshime kushtetuese që përfshin listat e hapura, ndryshim sistemi zgjedhor dhe ndalim të koalicioneve parazgjedhore. /Opinion.al
