Në takimin me dyer të mbylluar që u zhvillua në selinë e PD-së mes Lulzim Bashës dhe aleatëve opozitarë, mësohet se asnjë parti, as PD dhe as aleatët e saj nuk do të regjistrohen në Komisionin Qendror të Zgjedhjeve, që do të thotë se opozita nuk do të marrë pjesë në zgjedhje, nëse nuk dorëhiqet Kryeministri Edi Rama dhe vendoset një qeveri teknike.
Mësohet se 6 partitë opozitare që tashmë janë regjistruar në KQZ do të dorëhiqen, për t’iu bashkuar kështu vendimit të partive opozitare, PD dhe aletavë të saj për bojkotim të zgjedhjeve nëse nuk krijohet qeveria teknike.
Në takimin 60 minutësh, opozita është shprehur sërish e vendosur për krijimin e qeverisë teknike para zgjedhjeve parlamentare. Takim ky që vjen pak orë pasi kryedemokrati Basha zhvilloi një takim me Ambasadorin e SHBA në vendin tonë, Donald Lu, deklarata të të cilit kanë munguar këto javë protestash të opozitës, ndryshe nga si vepronte më parë, që mbante qëndrim për çdo zhvillim politik në vend.
