Të shtunën e 8 Qershorit opozita e bashkuar do të jetë sërish në shesh, në orën 19:00. Është ky vendimi i opozitës, pas mbledhjes së kësaj të diele.
“Ne nuk hedhim asnjë hap pas, e sotmja është dita e fundit që ju drejtohem me argumentet e arsyes sepse koha për fjalët po mbaron dhe në protestën e ardhshme fjalën do ta ketë vetëm sovrani, vetëm populli. E gjithë bota e di se ky është pushtet i marrë me dhunën e krimit dhe që mbrohet me dhunën e krimit. Ne nuk pranojmë pushtet të marrë me dhunë. Harrojeni se do ta mbani, kthejani sovranit atë që i keni vjedhur”, deklaroi kreu i opozitës në mbyllje të protestës së shtatë kombëtare, e cila u shoqërua me tensione dhe episode dhune.
Pas përfundimit të protestës, si ambasada amerikane por dhe ambasadat e tjera në vend dënuan dhunës si dhe iu bënë thirrje palëve të ulen në dialog për të zgjidhur krizën./ Opinion.al
