Kundërshtimi për Asosacionin e Komunave Serbe, të nënshkruar me Serbinë, do të nxjerrë sot opozitën Kosovare në manifestim në Prizren.
Tri partitë opozitare, AAK, Vetëvendosje dhe nisma “Për Kosovën”, do të mbajnë sot një protestë në Prizren, ku do të kundërshtohet gjithashtu marrëveshja për Demarkacionin me Malin e Zi .
Protesta që do të organizohet në sheshin “Shatërvan” në orën 13:00, vjen pas atyre të mbajtura në Gjakovë, Gjilan, Pejë dhe Malishevë.
Në 9 janar 2016, opozita e bashkuar ka paralajmëruar organizimin e një proteste popullore në Prishtinë.
