Seanca e ditës së sotme ka nisur me debate, pasi kreu i grupit parlamentar të opozitës, Gazment Bardhi, ka kërkuar ndërprerjen e seancës, duke theksuar se ajo nuk mund të nisë pa u siguruar kuorumi minimal i nevojshëm.
“Po nuk pate 70 deputete, nuk miraton dot gjë!“, tha Bardhi drejtuar kryetares së Kuvendit.
Po ashtu të njëjtën gjë e ka kërkuar edhe sekretari i Përgjithshëm i Partisë Demokratike, Flamur Noka.
“Keni nisur seancën në kundërshtim me rregulloren, në sallë nuk ka as 55 deputetë. Pa kuorum nuk funksionon. Mos mendoni se kështu nuk sheh kush dhe siç keni bërë zgjedhjet, doni të bëni seancat”, tha Noka.
“Unë nuk detyroj askënd, por mund të lexoj nenin e rregullores, nenin e edukatës”, u përgjigj Spiropali.
