Opozita i kthehet sot jetës parlamentare pas një mungese 3 mujore. Paraprakisht në orën 12:00 në selinë e PD mblidhet grupi parlamentar i PD dhe mandej deputetët do ti drejtohen kryesisë së Kuvendit.
Paraditen e sotme do të mblidhet Komisioni i Ligjeve, ku do të shqyrtohen ndryshime në kodin penal në lidhje me dënimet për shitjen e blerjen e votës.
Eshtë parashikuar që në 17:00 të mblidhet Komisioni i Posaçëm për Reformën Zgjedhore. Kjo, për arsye se një nga vendimet që pritet të marrë sot parlamenti ka të bëjë me zgjatjen e afatit të veprimtarisë së Komisionit të Posaçëm të Reformës Zgjedhore, e po ashtu edhe me zëvendësimin e kreut të KQZ-së, një nga pikat e marrëveshjes PS-PD.
Parlamenti do të rihapë dyert në një sesion të jashtëzakonshëm, pas marrëveshjes Rama-Basha në orën 18:00. Sot, betohen 6 ministrat dhe zv/kryeministri i qeverisë teknike si dhe votohen komisionet e vetingut.
/Opinion.al
