Opozita protestoi këtë të hënë, pas 30 qershorit. Menjëherë pas procesit të votimit, Lulzim Basha mblodhi strukturat më të larta të PD dhe thirri protestën e radhës kombëtare.
“Shpëtimi nuk do të na vijë nga jashtë”, kështu do të deklaronte Basha në protestë. Lideri i opozitës u bëri thirrje shqiptarëve të besojnë tek vetja e tyre për t’ia dalë në misionin e vështirë për liri dhe demokraci.
“Dinjitetin nuk do ta gjejmë duke bërë viktimën. Forcën nuk do ta gjejmë duke fajësuar të tjerët. Shpëtimi nuk do të na vijë nga jashtë. Zgjidhja nuk do vijë me magji. Punën nuk do të na e bëjnë të tjerët Në rrugën tonë do të kemi ndihmën e miqve. Në betejat tona nuk do të jemi vetëm, por beteja është e jona”, tha Basha
*****
Ora 22:00 Pas fjalës së Kreut të PD, protestuesit marshuan drejt Parlamentit, siç është bërë zakon tashmë në të gjithë protestat e fundit të organizuara nga opozita. Këtu protestuesit qëndruan shumë pak minuta për tu mbledhur më pas në selinë e PD-së që shënon dhe fundin e protestës.
Ora 21:35 Protesta zhvendoset nga Kryeministria tek Parlamenti
Ora 21:30 “Kriza duhet të zgjidhet dhe do të zgjidhet me parime, dhe jo me pazare. Kjo krizë do të zgjidhet duke i dhënë fund pandëshkueshmërisë. Ata që e kanë sjellë vendin në këtë vend, ata që sollën krimin në politikë, ata që u korruptuan, nuk do të dalin nga kriza si shpëtimtarë, por si përgjegjës. Vetëm kjo e shpëton të ardhmen evropiane të Shqipërisë: Nxjerrja e politikanëve të lidhur me krimin para drejtësisë së pavarur. Vetëm drejtësia përmes ligjit”.
Kështu deklaroi kreu i PD-së, Lulzim Basha nga protesta e opozitës. Sipas tij protestat e opozitës po sjellin ndryshimin e madh. Basha tha se shqiptarët janë të etur, jo për ndryshim të përkohshëm e ndryshim fals, por ndryshim të vërtetë.
“Një ndryshim që do të na fusë në rrugën e sigurt drejt Bashkimit Europian dhe vlerave perendimore”, theksoi Basha.
“Dua ta deklaroj para gjithë botës: Derisa të dalin para drejtësisë, ata që vodhën votat e shqiptarëve, bashkë me krimin, nuk do të ketë zgjidhje politike. Ne do të bëjmë çdo përpjekje Do të përdorim çdo mjet për t’i nxjerrë ata para drejtësisë”, theksoi më tej Basha. / Opinion.al
Ora 21:15 Kreu i Partisë Demokratike, Lulzim Basha nga protesta e ka cilësuar 30 qershori ishte një referendum kundër së keqes. Sipas tij shqiptarët refuzuan të keqen, izoluan krimin, ndëshkuan korrupsionin.
“30 qershori ishte një referendum kundër së keqes. Ishte demonstrimi i mrekullueshëm i lirisë, i europianizmit dhe qytetarisë së shqiptarëve 30 qershori ishte dita kombëtare e kurajos, kur shqiptarët treguan se ata kanë forcë të ndahen nga e keqja. 30 qershori ishte dita e popullit, kur shqiptarët treguan se janë kundër regjimit kriminal të Edi Ramës”, tha Basha.
Sipas tij edhe pse në 30 qershor Rama ishte vetë, ai sërish i vodhi votat.
“Populli i bashkuar, populli i ndriçuar, është fundi i autokratëve të korruptuar. Ne bashkë i themi ”Ndal” qeverisë më të korruptur të Europës, “Ndal” politikës së krimit dhe të vjedhjes. Shqipëria është e njerëzve. Qeverisja është e popullit. Rama ik! E duam Shqipërinë si gjithë Europa!”./ Opinion.al
Ora 20:55 Kryetarja e Lëvizjes Socialiste, Monika Kryemadhi foli për gazetarët ndërsa i bashkohej protestës së 10-të të opozitës së bashkuar para Kryeministrisë. Ajo u shpreh se zgjedhjet e 30 qershorit janë nul dhe antikushtetuese, por shtoi se edhe data 13 tetor e caktuar nga presidenti si datë e re është pak problematike pasi KQZ duhet të kishte filluar me përgatitjes duke filluar nga ngritja e KZAZ-ve. Sipas Monika Kryemadhit tashmë këto protesta nuk janë më të opozitës, por të qytetarëve shqiptarë që duan një jetë më të mirë për vete dhe familjet e tyre
Ora -20:47: Kryetari i Partisë Demokratike, Lulzim Basha ka dalë nga selia blu. Po ashtu edhe kryetarja e LSI, Monika Kryemadhi nga selia e kësaj partie për t’iu bashkuar protestuesve në bulevardin Dëshmorët e Kombit.
*****
Rreth një orë para nisjes, Partia Demokratike ka bërë me dije se drejt Tiranës kanë udhëtuar rreth 70 000 njerëz për të marrë pjesë në protestë. Sipas PD-së, këtij numri i duhen shtuar edhe qytetarët e Tiranës.
Veç mesazheve politikë, organizatorët kanë vendosur që protesta të ketë dhe doza ironie në drejtim të socialistëve dhe kryeministrit Rama. Për këtë, nga selia e PD është nisur drejt sheshit të protestës edhe një gomar, të cilit përfaqësues të PD i kanë veshur një “bluzë” kur shkruhet “PS 30 qershor”, si ato që mbante Rama gjatë fushatës, për të mbrojtur mbajtjen e zgjedhjeve në 30 qershor”.
Një kuti e madhe votimi 2 metra e lartë ka dalë nga selia e PD dhe i është drejtuar sheshit para kryeministrisë.
Kutia e madhe mbahet nga të rinjtë që në fytyrë mbajnë masakat e protagonistëve të dosjeve të vjedhjes së votave 339 dhe 184, Vangjush Dakos, Damian Gjiknurit, Saimir Tahirit dhe krimelëvë të tjerë që kanë dalë në përgjimet e BILD./ Opinion.al
