Kryetarja e LSI Monika Kryemadhi, i është kundërpërgjigjur kryeministrit Edi Rama, i cili u shpreh në Kuvend se “opozita do të shkojë për skrap”.
Kryemadhi deklaroi për “News24” se Rama po e çon Shqipërinë për skrap, ndërsa shtoi se kryeministri është njeri pervers dhe përdor fjalor banal.
Kryetarja e LSI tha se opozita ka popullin mbrapa, e cili sipas saj, ndodhet në një situatë të mjerueshme .
“Rama po shkatërron Shqipërinë, po çon për skrap vendin. Rama ku ka vënë dorë është si shenjtani që djeg gjithçka ku shkel. Rama përdor fjalor pervers dhe banal. Rama është një njeri pervers dhe këtë e dëshmojnë edhe miqtë e tij më të afërt. Ai mbush sheshet me administratën, ndërsa opozita ka pas vetes popullini.
Unë isha në Malësi, në Dibër, në zonën e Kalasë së Dodës dhe fshatrat e tjerë përreth. Mund të them se nga vëzhgimi dhe fjalosja me njerëzit, rezulton se ata janë pesimistë për realitetin shqiptar. Ndërsa të rinjtë kanë ikur, e kanë braktisur masivisht vendin. Dhe kanë ikur kaq shumë sa në atë zonë vetëm një djalë të ri 21 vjeç takova. Edhe ai më tha se po pret sa t’i kalojë periudha e ekspulsit dhe do ikte në Itali. Ko që po ndodh me shqiptarët, me ikjen e të rinjve në mënyrë kaq masive është një tmerr më vete. Edhe projeksioni i popullatës ka rënie, shqiptarët janë ulur në numër, kur duhet të shtoheshin”, tha Kryemadhi./ Opinion.al E.Xh.
