Kryesore

Opozita del nga mbledhja e Këshillit Politik:Presim përgjigje nga Gjiknuri


Bëhu pjesë e Grupit Zyrtar të Opinion.al
>> KËTU <<
               Publikuar në : 13:02 - 18/09/20 |
Al Do

Opozita ka bojkotuar mbledhjen e sotme të Këshillit Politik që ishte thirrur në orën 12:00.

Arsyeja e bojkotit ka qenë drafti i prezantuar nga PS për ndryshimet e propozuara në Kodin Zgjedhor si rezultat i ndryshimeve kushtetuese të 30 korrikut.

Opozita ka kundërshtuar formulën e koalicioneve të propozuar nga PS. Mazhoranca propozonte që koalicionet të garnonin në një listë, duke hequr kështu mundësinë për pasjen e koalicioneve parazgjedhore.

Nga ana e saj opozita ka bërë sot një kërkesë zyrtare në Këshillin Politik që të merret asistenca dhe ekspertiza e OSBE/ODIHR-it për çështjen e ndarjes së mandateve dhe koalicioneve.

“Çështja që koalicionet që të ruhen siç janë, nuk lëvizim pa marrë një përgjigje nga OSBE/ODIHR. Ne kemi bërë një kërkesë zyrtare dhe presim përgjigje sapo Gjiknuri të vendosë. Brenda ai tha që nuk jemi dakord që t’i drejtohemi ODIHR-it. PS po bojkoton marrëveshjen e 14 janarit”, tha Oerd Bylykbashi.

Ai shtoi se opozita nuk lëviz nga kushtet e saj për ruajtjen e koalicioneve dhe hapjen 100% të listave dhe në rast mos gjetjeje konsensusi ai tha se “duhet t’i drejtohemi ODIHR-it” dhe “jo të vendosë mazhoranca siç do”. /Opinion.al

Pas