Opozita braktisi mbledhjen e këshillit bashkiak të Tiranës me pretendimin se në sallë janë 6 persona pa mandat që shtiren si këshilltarë. Me votat e tyre, merren vendime ilegjitime në këshill, tha Kreshnik Collaku, kryetar i këshilltarëve demokratë.
Më poshtë deklarata e tij në shkallët e bashkise pasi këshilltarët e PD dhe Lsi u larguan nga mbledhja:
Ne, opozita në këshillin bashkiaik të Tiranës (PD-LSI) kemi marrëdhënie të kushtëzuar me këshillin. Që nga Korriku 2017 aty janë 6 njerëz me mandate të bëra nul nga Gjykata e Tiranës. Prania e 6 individëve hedh në erë legjitimin e këtij këshilli. Pse u duhet prania e 6 “aktorëve” që sillen si këshilltarë bashkie?
Ua them unë. Për të votuar këto projekte. I pari: mafia e naftës kërkon të gllabërojë parkun Rinia. Pra do vendoset taksë për të luajtur fëmijët në bar. Ky vendim kërkon 3/5 e votave.
E dyta: Vendimi që i hap rrugë shembjes së teatrit për të ngritur aty kulla. Ky është kanabiliziëm! Maskaradë! Edhe ky vendim kërkon 3/5 e votave në këshill.
Këto vota ata nuk i kanë! Ne do bëhemi barriere për të bllokuar këto projekte mafioze për qytetin. Në atë sallë janë 6 individe që skanë të drejtë të votojnë.
/Opinion.al
