Kryetarit të Partisë Demokratike Sali Berishës nuk i është dhënë fjala në Parlament, ndaj dhe kryedemokrati ka bllokuar foltoren së bashku me disa deputetë të PD-së.
“Mos bëni viktimën kot, nuk ka asnjë shans që ta bëni këtë. U dhanë argumentat pro dhe kundër e tani do të vazhdojmë me seancën plenare. Nuk mund ta merrni peng seancën”, tha Lindita Nikolla.
Për shkak të bllokimit të foltores, seanca parlamentare është ndërprerë për 5 minuta.
Ndërkohë, fjalën e tij, ashtu si edhe në seancën e kaluar, Sali Berisha e vijoi në Facebook.
