Kohët e fundit është kthyer në trend të shohim futbollistët të postojnë foto selfie nga dhomat e zhveshjes. Këtë ka bërë edhe këtë fundjavë, gjermani i Arsenal, Mesut Ozil. Pas fitores së bindshme me Chelsea, Ozil ka publikuar në instagram një selfie më shokët e skuadrës, Lucas Perez, Shkodran Mustafi dhe Granit Xhaka.
Kjo selfie mesa duket nuk i pëlqyer aspak ekspertëve të futbollit të ftuar në emisionin e BBC, Ian Wright dhe Rio Ferdinand. Ata janë shprehur shumë të indinjuar nga ky aktivitet i lartë i futbollistëve në rrjete sociale. Ferdinand ka thënë se pavarësisht rezultateve pozitive që mund të sjellin në fushë, futbollistët duhet ti kursejnë këto publikime vetëm në rastet e fitores së një trofeu dhe jo pas çdo ndeshjeje.
Kjo deklaratë është pasuar edhe me “lëvdata” për mënyrën e shkëlqyer që Ozil ka luajtur kundër Chelsea.
Nga ana tjetër tifozët e Arsenal duken shumë të kënaqur si më rezultatet e ekipit ashtu dhe me aktivitetin e tyre të lartë në rrjete social. 27 vjeçari në profilin e tij zyrtar në Instagram numëron gati 9 milionë ndjekës ndërkohë selfie e shumë kritikuar është pëlqyer 410 mijë herë.
