Kryesore

Opinioni i Venecias më 11 Tetor, Meta: Jo ditë e rëndësishme


               Publikuar në : 17:00 - 11/09/19 |
Al Do

Opinioni i Komisionit të Venecias lidhur me nismën e maxhorancës për shkarkimin e kreut të shtetit do të bëhet publik në datën 11 Tetor. Një nga ekspertët e këtij delegacionit përpara takimin me anëtarët e Komisionit Hetimor në kryesinë e Kuvendit që ishte dhe i fundit në axhendën dy ditore të vizitore në Tiranë deklaroi se e kanë të qartë idenë nëse Meta e ka shkelur apo jo Kushtetutën me dekretin e anulimit të zgjedhjeve, por opinion do të jetë gati fiks një muaj më vonë.

Pasditen e kësaj të mërkurë, Presidenti Ilir Meta në një konferencë për mediat tha se kjo datë, 11 tetori nuk është një datë e rëndësishme për Shqipërinë.

“11 tetori është një datë jo e rëndësishme për Shqipërinë, qytetarët shqiptarët e dinë se presidenti nuk ka bërë asnjë lloj shkelje të Kushtetutës, ka qenë shembulli për mbrojtjen e kushtetutës”, tha Meta.

“Mendova se ishte koha e përshtatshme për të zhvilluar një bashkëbisedim me ju meqenëse ka pasur edhe ngjarje, kemi pasur edhe mysafirë, vijmë pas disa pushimeve që nuk i meritonim kaq të gjata, flas edhe për përfaqësuesit e opozitës dhe mazhorancës. Kemi pasur edhe mysafirë të nderuar të ftuar nga Kuvendi i Shqipërisë me të cilën para kënaqësinë të zhvilloja një bisedë dje. Dua të Falënderoj Kuvendin për këtë respekt të veçantë ndaj Komisionit të Venecias dhe t’iu bëj të ditur se bashkëpunimi im me këtë komision do jetë transparent. Në respekt të punës deri më 11 tetor i kemi vënë një raport paraprak i cili është shumë i qartë dhe analitik dhe i shoqëruar me një aneks me dokumente që kanë të bëjnë me vendimmarrjen që do të vlerësohet. Këto dokumente do jenë publik në faqen zyrtare të presidencës shqip dhe anglisht dhe do jetë i hapur jo vetëm për transparencë por edhe për t;u pasuruar për arsye se kemi të bëjmë me një çështje shumë të rëndësishme e cila do te jetë e rëndësishme edhe për të ardhmen dhe do të studiohet në fushën e marrëdhënieve ndërkombëtare. Unë kam detyrë të jap një kontribut lidhur me këtë gjë ku përfshihet edhe e drejta për të zgjedhur. Do jetë në dispozicionin tuaj edhe të anëtarëve të Komisionit të Venecias dhe institucioneve ndërkombëtare ku vendi ynë është i anëtarësuar”, tha Meta më tej. / Opinion.al

Pas