Mbrëmjen e të hënës në emisionin “Opinion” në pjesën e parë u trajtua ngjarja e rëndë e ndodhur në Tiranë, ku një 14-vjecar u qëllua për vdekje nga bashkëmoshatari i tij.
Martin Cani, nxënës i klasës së nëntë në shkollën “Fan Noli” ka humbur jetën pas një goditjeje me thikë në zemër. Personi që i ka marrë atij jetën është po një nxënës i shkollës “Fan Noli, po i së njëjtës moshë, niveli arsimor, në klasën e nëntë të shkollës “Fan Noli”.
Ngjarja ka ndodhur jashtë ambienteve të shkollës, por mesa duket është një ngjarje që i ka fillesat që javën e kaluar në një sherr që sipas të dhënave të deritanishme të mediave, ka nisur në rrjetet sociale. Përtej humbjes së jetës së një 14-vjeçari që është një tragjedi më vete, që është një prej atyre rasteve që s’mund të kalojë kurrë me vëmendje, ajo që po ndodh me adoleshentët, është një nga ato gjërat që duhet t’i kushtojmë shumë më tepër vëmendje dhe duhet të jemi shumë të kujdesshëm.
Një futbollist që stërvitej me 15-vjeçarët e Dinamos, një fëmijë që ka lënë sot dy prindër me një pikëllim të jashtëzakonshëm, por mbi të gjitha ka pikëlluar gjithë shoqërinë për arsye se përtej të gjitha detajeve, ajo që po ndodh me adoleshentët është e frikshme.
Të ftuar : Klodiana Lala, Fatjona Mejdini, Eugen Beci, Merin Maçi, Agentina Hidershaj, Klaudio Pulaha
Në pjesën e dytë të emisionit u diskutua lidhur me laboratorët e drogës në Tiranë.
Në pjesën e tretë në emisionin “Opinion” u transmetua një intervistë e Ilir Ikonomit i cili vjen me vëllimin e dytë të biografisë së Fan Nolit, që fokusohet në vitet më aktive të tij nga 1920-1925 kur ai jetoi në Shqipëri, edhe pse siç thotë Ikonomi, nëse i mbledh në total Fan Noli ka kaluar vetëm dy vite e gjysmë në Shqipëri por la gjurmë të pashlyeshme në historinë e vendit./Opinion.al
