TIRANE- Emisioni “Opinion” për më shumë se tre orë mbrëmjen e së enjtes shfaqi video ekskluzive të ish-policit Dritan Zagani i cili përforcoi akuzat e përfshirjes së Tahirit në trafik droge si dhe rrefeu me detaje se si bëhet ky
trafik në zonën e Vlorës dhe Fierit. Për shkak të kohës së pamjaftueshme, një pjesë e videove nuk u transmetuan. Kështu ditën e hënë emisioni “Opnion” do të ketë sërish në fokus, trafikun e drogës, rrëfyer prej një ish-punonjësi të policisë. Të hënën do të ndiqni në emision: Si ngarkoheshin avionët me drogë në Vlorë dhe Divjakë. Si përfitonin oficerët italianë nga trafikantët?
Po kështu në pjesën e dytë emisionit do të transmetohet edhe një tjetër intervistë e bujshme, ajo e ish-doganierit që akuzon eprorët për korrupsion në dogana. Intervista tekst është publikuar ditë më parë në Opinion.al, por e plotë video-audio dhe me emra konkret transmetohet të hënën.
