Mbrëmjen e 16 Marsit në programin “Opinion” u diskutua për epideminë e koronavirusit.
Sa pritet të zgjasë, kush janë më të mbrojtur, si ta dallojmë nga gripi normal, si paraqitet situata në vend dhe si po përballohet vetkarantinimi, ishin disa nga temat e diskutuara në emision, mjeku imunolog Genc Sulçebe, epidemiologu Alban Ylli, si dhe nga biseda në lidhje direkte me ministren Ogerta Manastirliu, pedagogen e Oxfordit, Detina Zalli, si dhe gazetarin e Zërit të Amerikës, Ilir Konomi.
Mjeku Sulçebe sqaroi disa disa detaje mbi reagimin e sistemit tonë imunitar pas prekjes nga koronavirusi dhe theksoi se kemi të bëjmë me një virus pak të njohur, sjelljet e të cilit ndryshojnë në varësi të popullatës.
Nga ana tjetër, epidemiologu Ylli parashikon se Shqipëria do të jetë të paktën edhe 2 muaj në një qarkullim intensiv të COVID 19.
Emisioni i plotë në videon e mëposhtme:
