Në emisionin “Opinion” të së hënës 11 shtator 2023, është trajtuar tema “Shqipëria drejt Berlinit?.
“Opinion” është fokusuar tek sporti konkretisht te futbolli, pas dy ndeshjeve spektakolare të Kombëtares së Shqipërisë, të cilat kanë ngjallur ëndrrën për kualifikimin e Shqipërisë për në finalet e Kampionatit Europian që luhet në Gjermani vitin e ardhshëm.
Çfarë ka ndodhur realisht me Shqipërinë? Nga vinin këto dy fitore dhe çfarë pritet të ketë Shqipëria ose çfarë rrugëtimi pritet të ketë deri në fund të Nëntorit, kur në datën 20 do zhvillojë dhe ndeshjen e fundit me Ishujt Faroe për t’u përcaktuar nëse do të jemi apo jo finalistë në Kampionatin Europian të futbollit që do të zhvillohet në Gjermani vitin e ardhshëm. Këto çështje janë trajtuar të hënën në “Opinion”.
Të ftuar në studio për të folur për këtë temë kanë qenë: Armand Duka, Alban Xhihani, Lenida Halilaj, Viola Spiro, Reis Çiço. Lidhje skype: Sokol Cikalleshi.
Kjo temë është trajtuar në pjesën e parë dhe të dytë, ndërsa në pjesën e tretë “Opinion”, ka transmetuar një material për tërmetin tragjik 6.8 ballë të ndodhur në Marok.
