Të hënën më 18 shtator 2023, në emisionin “Opinion” u trajtua tema “Shqipëri-Greqi, Himara në mes!”
“Opinion” është fokusuar te çështja e Fredi Belerit, kryetarit të zgjedhur të Bashkisë së Himarës, i cili ka dështuar sërish për të marrë një liri të përkohshme, deri në gjykimin e tij dhe si pasojë e ka të pamundur të betohet për të marrë detyrën e kryetarit të Bashkisë.
Por çështja Beleri ka kaluar kufijtë e një gjykimi për një kryetar bashkie të zgjedhur, i cili nuk ka arritur ta marrë detyrën e tij asnjë ditë. Është kthyer në një përplasje mes Shqipërisë dhe Greqisë, në nivelet më të larta. Ka qenë Kryeministri grek, i cili dje, por edhe më parë, ka reaguar për çështjen Beleri duke i bërë kritika Shqipërisë dhe duke deklaruar se Shqipëria nuk plotëson të drejtat e njeriut dhe shkel parimet bazë të demokracisë.
Për të folur për këtë çështje, në studion e Opinion ishte një panel prej 5 të ftuarish: Ivi Kaso-Sekretar për çështjet Zgjedhore, PD, Ardit Bido-Profesor i asociuar në marrëdhënie ndërkombëtare, Mesila Doda-Deputete Kryetare e grupit parlamentar, PDIU, Agim Nesho-Diplomat, Nen-Kryetar i PL, Redi Shehu-Analist. Ndërsa në lidhje direkte ishin gazetarja e Klan Neës, Glidona Daci dhe gazetari Stavri Marko.
Në pjesën e tretë është transmetuar një material përmbledhës të asaj ç’ka ka ndodhur që prej arrestimit të Belerit
Për më shumë ndiqni emisionin e plotë.
