Është diskutuar të hënën (20 dhjetor) në emisionin “Opinion”, mbi temën “Seriali Berisha-Basha, episodi protesta”.
“Opinion” është fokusuar sërish në zhvillimet brenda Partisë Demokratike, ku është diskutuar për Referendumin e zhvilluar më 18 Dhjetor, ku u shkarkua kreu i PD, Luzim Basha, si dhe Kuvendin e 18 Dhjetorit të thirrur nga kryesia e PD, i cili vendosi që personat e shpallur “non grata” të mos jenë pjesë e strukturave të PD. Po ashtu “Opinion” ka shtruar disa pyetje: Kush është kryetari i PD? Përse kontestuesit e Bashës nuk kanë hyrë në seli? Do kemi një apo dy PD?
Gjithashtu në emisionin “Opinion” është diskutuar për samitin e mbajtur në Tiranë në kuadër të nismës “Open Balkan” dhe ardhjen në vendin tonë të kryeministrit të Maqedonisë së Veriut Zoran Zaev si dhe të Presidentit serb, Aleksandër Vuçiç, si dhe protestën e thirrur nga ish-kryeministri Berisha pikërisht kundër kësaj nisme si dhe për aferën e inceneratorëve që çoi në pranga ish-ministrin, Lefter Koka.
Këto çështje janë diskutuar me të ftuar në studio:
- Baton Haxhiu,
- Agron Shehaj,
- Artan Hoxha,
- Fitim Zekthi
Në lidhje direkte:
Iris Luarasi
Në skype:
Blerta Dalloshi Berisha
Në pjesën e tretë të emisionit “Opinion” është transmetuar një material për zhvillimet më të rëndësishme të ditëve të fundit, protestën e thirrur nga ish-kryeministri Berisha, Kuvendin e 18-Dhjetorit të thirrur nga Lulzim Basha dhe Referendumin e 18-Dhjetorit që shkarkoi kreun e PD, Lulzim Basha.
