Në emisionin “Opinion” të së hënës (21 nëntor 2022) u fol pët temën “ Samiti i BE dhe protesta e PD, ç’pritet të ndodhë?”
Të ftuar në studio:
- Baton Haxhiu
- Iris Luarasi
- Robert Rakipllari
- Sonila Meço
Në lidhje të drejtpërdrejtë:
- Taulant Balla
- Aldo Bumçi
Emsioni “Opinion” u fokusua në protestën e thirrur më 6 dhjetor nga kreu i Partisë Demokratike, Sali Berisha, në një ditë kur në Tiranë do të mbahet samiti BE-Ballkani Perëndimor.
Ndërkohë, në një lidhje direkte në emisionin “Opinion”, kreu i grupit parlament të Partisë Socialiste, Taulant Balla, ka dhënë detaje në lidhje me samitin mes BE dhe Ballkanit Perëndimor. Balla u shpreh se liderët e BE-së pritet që të mbërrijnë në kryeqytet pasditen e 5 Dhjetorit ndërsa samiti fillon dhe mbaron punimet më datën 6.
Sa përket protestës së thirrur nga Sali Berisha, Balla e përshkroi si një “zgjedhje të gabuar” dhe “fyerje” të mikpritjes shqiptare.
Ndërsa, anëtari i Këshillit Kombëtar të Partisë Demokratike, Aldo Bumçi shpjegoi se çfarë synon PD-ja me realizimin e protestës më 6 dhjetor, në të njëjtën ditë kur në Tiranë do të mbahet samiti i BE-Ballkani Perëndimor.
Në pjesën e fundit të emisionit u transmetua një intervistë e shkurtër me Anna Kohen, një shqiptare e komunitetit hebre e lindur në Vlorë, e cila në moshën 19-vjeçare u largua nga Shqipëria, duke u bërë ndër të parët emigrantë që regjimi komunist i la zyrtarisht që të largoheshin nga vendi. Anna Kohen jetoi në Nju Jork dhe ka botuar librin “Lulja e Borës”.
E ftuar në studio:
- Anna Kohen
Emisionin e plotë mund ta ndiqni në linkun e mëposhtëm.
