Mbrëmjen e të enjtes në studion e emisionit “Opinion” i ftuar ishte kryetari i Partisë Demokratike, Sali Berisha.
Në një intervistë ekskluzive, ish-kryeministri do të jetë në një rrëfim ndryshe duke ndërthurur konceptet politike me ato të aktivitetit të tij të përditshëm.
Cilat do të jenë objektivat, planet e Partisë Demokratike me në krye Sali Berishën, për zgjedhjet elektorale të 2025-ës? Si e përjetoi ish-kryeministri arrestin shtëpiak për gati një vit, që nga 30 Dhjetori i vitit të kaluar?
Në pjesën e tretë të emisionit, një reportazh për Aeroportin e Rinasit, ku më 9 Dhjetor ka numëruar pasagjerin e 10 milion-të, duke thyer kështu një rekord dhe duke e kthyer atë në aeroportin më të madh të Ballkanit Perëndimor si dhe një prej portave hyrëse kryesore. Nga 1 Janari e deri më 10 Nëntor të vitit 2024, rreth 1 milion e 122 mijë qytetarë të Kosovës kanë kaluar nga aeroporti i Rinasit, 1 milion e 325 mijë qytetarë të Maqedonisë, 907 mijë qytetarë malazezë dhe 1 milion e 277 mijë grekë. Aeroporti i Rinasit kthehet kështu më shumë në një aeroport rajon i gjithë Ballkanit, se sa thjesht aeroportin e Shqipërisë. Siç ishte parashikuar 3 vite me parë, numri i 10 milionë pasagjerëve që dukej e pamundur është realizuar, duke synuar që vitin e ardhëm ky aeroport të ketë 12 milionë pasagjerë.
