Të hënën në emisionin “Opinion”(14 dhjetor), ka qenë i ftuar ish-kryeministri i Shqipërisë Sali Berisha.
Në një intervistë të realizuar me gazetarin Blendi Fevziu, Berisha ka rrëfyer jo vetëm për ngjarjet e dhjetorit, por edhe jetën e tij para dhjetorit të viteve 90, karrierën prej pothuaj dy dekadash si mjek, raportet me komunizmin, momentin kur është anëtarësuar në Partinë Komuniste, si dhe çfarë besonte ai në atë kohë, vendimin për tu përplasur në fund vitet 1989-1990 me regjimin komunist, si dhe pikat kulmore të karrierës politike.
Në një rrëfim, sa politik aq edhe personal, Berisha ka treguar edhe për zhvillimet politike më pas, për vendimin për t’u larguar nga drejtimi i Partisë Demokratike pas 23 vitesh aktiv në krye të saj si dhe raportet me pasardhësin e tij, Lulzim Basha./Opinion.al
