Të enjten, më 16 maj 2024 në emisionin “Opinion” u trajtua tema “Rama në Athinë, çfarë prodhoi fjalimi?”
Vizita e kryeministrit Edi Rama në Athinë, fjalimi dhe mesazhet gjatë takimit me emigrantët shqiptarë në stadiumin e Galatsit. Fjalimi i Ramës ngjalli diskutime në Athinë e Tiranë, cilat ishin tezat kryesore që ai ngriti, çfarë tha, por mbi të gjitha sa ishte efikas ky fjalim në raportet shqiptaro-greke të cilat sot janë në gjendjen e tyre më të keqe në 25 vitet e fundit?
Trajtim i pikave kyçe të çështjeve politike të vendit si çfarë qëndrimi ka Rama për Erion Veliajn, për akuzat e SPAK-ut dhe për qëndrimin e tij ndaj gazetarëve? Çfarë qëndrimi ka Rama për SPAK-un vetë, kërcënimin nga SPAK-u të qeverisë së tij? Çfarë komenti ka për Gazmend Bardhin, denoncimi i të cilit ka rihapur dosjen e Olsi Ramës si dhe një koment për Ilir Metën.
Të ftuar: Blerina Gjylameti, Ornela Çuçi, Marin Suli, Baton Haxhiu, Armand Shkullaku dhe Fitim Zekthi.
Ndërsa në pjesën tjetër të emisionit ishte historitë e të enjtes. Blendi dhe Esmerald Çanaku, dy vëllezër pas një historie suksesi në industrinë e ndërtimit kanë sjellë një prej emrave më të rëndësishëm të modës amerikane por mbi të gjitha këpucën më të shitur në botë, Cole Haan, një prej shpikjeve të vitit 2021 në SHBA, këpuca më e shitur në botë për arsye të komoditetit të saj por mbi të gjitha për çmimin shumë të lirë. Ka ardhur në Shqipëri drejtpërdrejt e certifikuar nga Cole Haan, është sjellë nga dy vëllezërit që pretendojnë ta shtrijnë të drejtën e saj në të gjithë vendet e Ballkanit. Vëllezërit hynë nga industria e ndërtimit në atë të modës falë një detaji fare të vogël./Opinion.al
