Në pjesën e parë të emisionit “Opinion” u diskutua për ngjarjen tragjike që ndodhi të martën në Shkodër. Kolë Manaj 34 vjeç qëlloi me plumb në kokë bashkëjetuesen e tij Anila Ndoka, 44 vjeç dhe nënë e 3 fëmijëve.
Pasi qëlloi bashkëjetuesen e tij Kolë Manaj vrau veten. Ndërkohë që 44-vjeçarja ndodhet në spital në gjendje kritike për jetën. Në shumë media, ngjarja tronditëse u cilësua si një krim pasioni, por çfarë fshihet vërtet pas kësaj?
Në pjesën e dytë të emisionit “Opinion” u diskutua lidhur me aksidentet ajrore.
Kohët e fundit në mbarë botën, e veçanërisht në Shtetet e Bashkuara të Amerikën janë regjistruar një sërë aksidentesh ajrore. Më i fundit ishte rrëzimi i një avioni në Toronto, ku fatmirësisht nuk pati të vdekur. Nuk duhet të harrohet të përmendet rasti tragjik i rrëzimit të avionit në Washington.
Në pjesën e tretë emisioni “Opinion” në Tv Klan “hyn” brenda një prej kompanive më të mëdha të prodhimit të verës në Holandë e ndoshta dhe në botë. Familja “Royal Swinkels” është një prej kompanive që prej vitit 1709 prodhon verë në Holandë. “Royal Swinkels” është një kompani e cila është e pranishme në 150 vende, duke përfshirë këtu edhe Shqipërinë./opinion.al
