Mbrëmjen e të martës emisioni “Opinion” në Tv Klan u zhvendos nga zhvillimet politike në ato kulturore. Në një vend të vogël si Shqipëria punimet artizane po veniten gjithnjë e më shumë. Duke u dhënë një zë njerëzve që mbështesin punën mbi fantazinë dhe kreativitetin e tyre, në “Opinion” rrëfehen historitë që fshihen pas çdo produkti që është punuar për orë të tëra me durim e pasion.
Të ftuar: Erion Elmazi, Denata Çyreku, Trifon Kiço, Aurora Piranej, Donald Qevani, Geri Mani, Martin Budurushi, Irena Kuça
Në pjesën e fundit të emisionit “Opinion”, në një intervistë ekskluzive ishte Anila Mullahi. Ajo ka shkruar një libër për krijimtarinë e Dritëro Agollit. Në intervistën e zhvilluar në shtëpinë muze të shkrimtarit të njohur Anila Mullahi rrëfen gjithçka për veprën e tij. Libri i saj na jep një rikthim mbrapa të jetës dhe veprimtarisë së njërit prej shkrimtarëve më të mëdhenj që ka pasur vendi i ynë në shekullin e XX-të.
