Të mërkurën në emisionin “Opinion” u diskutua lidhur me mbylljen e “Tik-Tok”.
Më 21 Dhjetor kryeministri i vendit duke marrë shkas dhe nga ngjarjet e fundit kriminale mes adoleshentëve vendosi mbylljen e TikTok.
Vendimi i qeverisë bëri bujë të madhe në mediat kombëtare, por dhe në ato botore. Shqipëria bëhet kështu një nga vendet e pakta të botës të cilat kufizojnë aksesin e TikTok.
Mbyllja e kësaj platforme ka ngjallur shumë diskutime dhe kundërshti në vendin, për vetë faktin se numri i vendeve të cilat kanë vendosur mbylljen e TikTok janë shumë të pakta.
Të ftuar në studio: Mentor Kikia, Ina Zhupa, Toni Gogu, Rudina Koromani, Elvin Luku, Aldor Nini, Berat Buzhala
Në pjesën e fundit të emisionit “Opinion” ishte e në një intervistë Sara Gezdari. Ajo është e para shqiptare e cila ka kandiduar për deputete në parlamentin britanik për Partinë Konservatore, në Korrik të vitit të sapo lamë pas. Ajo pati një eksperiencë si një prej kandidateve në zonat në periferi të Londrës. Sara Gezdari është larguar shumë herët nga vendi ynë dhe prej kohësh jeton mes Italisë dhe Britanisë së Madhe në 12 vitet e fundit, ku ka arritur që të ngrihet në hierarkinë e Partisë Konservatore.
