Emisioni “Opinion” në Tv Klan mbrëmjen e kësaj të marte vjen me një udhëtim në një prej destinacioneve shumë të bukura të Shqipërisë.
Kushdo që ulet në Aeroportin e Rinasit, kushdo që kalon në rrugën për Rinas, kushdo që kalon nga Vora në drejtim të Fushë-Krujës, ndonjëherë madje edhe nga autostrada mund të shikojë një nga pamjet më të bukura.
Një kodër që ngrihet mbi fushën e Tiranës me një pamje imponuese dhe një kala të jashtëzakonshme sipër sa. Kalaja ka kullën e sahatit, ka formën e saj kuadrate dhe nga kjo kala ti mund të shohësh shtatë qytete dhe pothuajse 360 gradë gjithë pamjen e Shqipërisë.
Bëhet fjalë për kalanë historike të Prezës, një prej kalave të Shqipërisë së Mesme, e cila komunikon me Kalanë e Krujës, të Ulqinit me kalanë e Petrelës dhe me disa kala të tjera. Një fortifikim i hershëm, që prej periudhës ilire.
