Të mërkurën 28 shkurt 2024 në emisionin “Opinion” u trajtua tema “Prapaskenat e vizitës së Zelenskyt!”.
Presidenti ukrainas Volodimir Zelensky, mbërriti në Tiranë, në samitin e organizuar me vendet e Evropës Juglindore dhe të Ballkanit Perëndimor. Një samit i cili u mbajt në Shqipëri. Samiti u zhvillua në kuadrin e një samiti të plotë, si dhe takime bilaterale që presidenti Zelensky pati me të gjithë krerët e delegacioneve që përfaqësoheshin në këtë samit.
Përtej vizitës së tij të parë në Tiranë, ka pasur edhe një sërë pikash ku mund të përqendrohemi. Një nga gjërat më interesante ka qenë fakti që Zelensky ka folur për një prodhim të përbashkët të armatimeve, midis Shqipërisë dhe Ukrainës. Ishte një pikëpyetje që nuk mori një sqarim nga kryeministri shqiptar. Njëkohësisht është folur për kërcënimin rus në Ballkan dhe pikëpyetja më e madhe se çfarë po ndodh realisht me Ukrainën e ku do të shkojë më tej.
Vizita e Zelensky-t në Tiranë, pati edhe aspektet e saj të panjohura.
Të ftuar në studio për të folur për këtë temë kanë qenë: Blerina Gjylameti, Manuela Ristani, Tomor Alizoti, Arben Andoni, Redi Shehu.
Në pjesën e tretë të emisionit është transmetuar një intervistë me Ministrin e Jashtëm të Maqedonisë së Veriut, Bujar Osmanin, i cili njëkohësisht është kandidat i partisë BDI, për president të Republikës së Maqedonisë së Veriut.
