Të martën në mbrëmje, emisioni “Opinion” u fokusua tek pjatat festive.
Në këtë periudhë të vitit, thuajse prej 20 vjetësh organizojmë një emision të lidhur me kuzhinën, festat, atmosferën e fundvitit.
Të ftuar ishin disa nga shefat më të mirë në vend, të përzgjedhur nga emisioni “Opinion”, por në një stil të ri. Secili prej 8 të ftuarve mundohet të prezantojë një pjatë që do të jetë pjesë e menusë së restoranteve që përfaqësojnë në këtë vit të ri. Këto restorante janë të njohur dhe kanë një menu që ndryshon në varësi të vitit ose stinës.
Të ftuar: Fundim Gjepali, Mehmet Gjoni, Mirsat Tagani, Bernard Konesha, Aldo Mehmeti, Alfred Marku, Ismet Shehu, Juli Zguro.
Në pjesën e fundit të emisionit “Opinion” u transmetua një material që pasqyron sesi po zhvillohet vera shqiptare dhe çfarë cilësie është, duke pasur parasysh prezantimin e saj në konkurset ndërkombëtare./Opinion.al
