Mbrëmjen e të mërkurës në studion e emisionit “Opinion” në Tv Klan u diskutuan vendimet e Presidentit të SHBA-ve, Donald Trump. Vendimet e tij duket se po krijojnë një çoroditje të plotë pothuajse në të gjithë globin. Pas probleme kryesore që ai kishte me fqinjët e tij Meksikën dhe Kanadanë, apo dhe çështja e Groenlandës duket se një sërë vendimesh të tjera kanë tronditur vëmendjen në të gjithë politikën botërore. Ndër tre problemet më kryesore është deklarata e tij më e fundit që SHBA të marrë kontrollin e Gazës, pasi ajo të zbrazet nga palestinezët që sipas tij mund të kalojnë në Jordani ose në Egjipt. Problemi i dytë mbetet ai i emigrantëve i cili mbetet shumë i prekshëm për SHBA-të. Një tjetër vendim mjaft shokues ishte bllokimi i të gjitha ndihmave amerikane në botë.
Të ftuar: Anxhela Faber, Gerta Zaimi, Redi Shehu, Sokol Nako, Fitim Zekthi, Xhevahir Qardaku. Në Skype: Menada Zaimi
Në pjesën tjetër të emisionit “Opinion” në Tv Klan, materiali i përgatitur fokusohet në një çështje mjaft aktuale të vendit tonë. Virozat e stinës vazhdojnë të mbeten shqetësuese për popullsinë. Pavionët dhe rastet nëpër spitale janë në një numër të madh. Megjithatë dy ekspertët Ilir Alimehmeti dhe Sonila Brati thonë se pavarësisht se është kulmi i sezonit të gripit nuk ka asgjë për që të qenë alarmante. Sipas tyre kjo është një prej situatave të ngjashme që Shqipëria kalon çdo vit në këtë periudhë.
