Humbja e parakohshme e ish-deputetit të PD-së, Gerti Bogdani i ka tronditur të gjithë. “Opinion” në Tv Klan në pjesën e parë të emisionit të së mërkurës ia ka dedikuar politikanit që u nda nga jeta në moshë të re.
Blendi Fevziu u shpreh se Bogdani ishte një prej atyre politikanëve që nuk e refuzonte debatin dhe gjithmonë vinte i përgatitur. Gazetari Fevziu tha se Bogdani ishte një nga politikanët e rrallë shqiptarë, tipik qytetar e që kurrë nuk sulmoi apo shau dikë.
Të ftuar: Lisander Hoxha, Altin Veshti. Në lidhje direkte: Erikleda Dorezi
Në pjesën tjetër të emisionit “Opinion” solli pamjet brenda tunelit të Porto Palermos, një prej tuneleve më sekrete dhe të rëndësishme të Shqipërisë komuniste. Bëhet fjalë për një tunel prej 655 metrash, nga hyrja deri në daljen e tij në anën tjetër. Brenda tij ndodhen disa kilometra tunele të tjerë. Është 8 metra i gjerë dhe gati 8 metra i thellë. Brenda malit të Porto Palermos, është një qytet i tërë i betonuar. Tuneli i Porto Palermos ishte një vepër sekrete që nisi të ndërtohej nga viti 1969 deri në vitin 1986.
