Të martën në emisionin “Opinion” u diskutua lidhur me protestën e opozitës në vend.
Partia Demokratike dhe opozita shqiptare bllokuan 6 nga akset kryesore. Protesta ka zgjatur rreth 3 orë. Siç ishte paralajmëruar, protesta ka zgjatur pothuajse deri në orën 8 e në disa zona pak më vonë.
Kryqëzimi i Milotit, kthesa e Kamzës, rrethrrotullimi i Bradasheshit, rrethrrotullimi i Rrogozhinës dhe rrethrrotullimi i Levanit ishin 6 pikat kryesore ku mbështetësit e opozitës ekzekutuan aktin tjetër të asaj që e kanë quajtur mosbindje civile ose një seri protestash që priten të vijojnë edhe në vazhdim.
Çfarë po ndodh me opozitën? Cilat do të jenë hapat e mëtejshme? Çfarë solli dhe sa efikase janë këto veprime të saj?
Të ftuar në studio: Floriana Garo, Marsela Karapanço, Alba Kepi, Fitim Zekthi, Enton Abilekaj. Lidhje live ishte gazetari: Besar Bajraktari.
Në pjesën e dytë dhe të tretë ishte Marsel Aliçkoli, një shqiptar nga Pogradeci që jeton prej thuajse 2 dekadash në SHBA. Ai është pjesëtar i organizatës “Active Albania”.
“Active Albania” ka bërë gjeste nga më të çuditshmet dhe interesantet për të tërhequr vëmendjen e mediave dhe opinionit publik për Shqipërinë. Aliçkolli vetë hipi në fillim në një avion që ishte në fluturim e sipër duke shpalosur flamurin shqiptar, gjë që mori vëmendjen e mediave amerikane ndërsa së fundmi ka udhëtuar me flamurin shqiptar drejt njërit prej fiseve më të veçuara të Amazonës. Një fis i vendosur në zonën ekuatoriane të Amazonës, ka jetuar për 8 ditë së bashku me vendasit atje dhe ka tentuar t’u mësojë gjuhën shqipe. Ka ndërtuar një dokumentar 20 minuta për gjithë qëndrimin e tij në një nga zonat më të izoluara të globit./Opinion.al
