Të martën, në emisionin “Opinion” u diskutua lidhur me atë çfarë bujtinat shqiptare ofrojnë.
Tradita shumëvjeçare e emisionit “Opinion” në prag të festave të fundvitit, fokusimi te agroturizmi, bujtinat e vogla, hotelet e reja, kryesisht ato familjare, fermat apo artizanët. Janë pjesa më e rëndësishme e zhvillimit të turizmit në Shqipëri,janë pjesa që e riktheu vëmendjen e shtypit ndërkombëtar te Shqipëria dhe që merr vlerësimet më të mëdha nga turistët që duket se po dynden në vend ditët e fund. 9 agroturizme, bujtina, mundësi të vogla biznesi të shtrira nga veriu në jug të Shqipërisë që tregojnë secili historinë, si kanë filluar, me se merren dhe çfarë gatuajnë, ndërsa sofrat janë plot me gostitë e përgatitura me zemër.
Të ftuar: Sokol Kasa, Lindita Shabaj, Jaho Xhebraj, Xhoana Qohaj, Ermal Duka, Fabio Skuqi, Pëllumbesha Lasku, Edlir Bilo, Olsi Melko, Dhurata Thanasi
Në pjesën e tretë, Dhurata Thanasi rrëfen si funksiononte ushqimi në kohën e komunizmit sepse ashtu si veshja apo stili i jetesës, me një vendim të Komitetit Qendror të asaj kohe, të gjitha menutë u unifikuan. Të gjitha mëngjezoret e restorantet duhet të kishin të njëjtën menu, pavarësisht qytetit. Baza çuditërisht ishte bullgare sepse personat që e përgatitën kishin mbaruar studimet në Bullgari. Gjithashtu Thanasi ka krijuar çokollatën e parë shqiptare, “Made in Albania” që ka shijet e secilit qytet të vendit.
