Gjatë javës që lamë pas, emisioni “Opinion”, solli në vëmendje disa nga diskutimet më të nxehta të aktualitetit.
Java nisi me diskutimet mbi vizitën e Sekretarit Amerikan të Shtetit në Shqipëri dhe bisedat e tij me përfaqësuesit shqiptarë. Nën argumentin “Cfarë nuk u tha nga vizita e Kerrit”, me panelistët Artan Hoxha, Agron Gjekmarkaj, Afrim Krasniqi, Mark Marku, Lorenc Vangjeli dhe Andrea Stefani,”Opinion” solli në vëmendje gjithçka u pa apo u diskutua nga vizita e Sekretarit Amerikan te Shtetit Xhon Kerri.
Një temë e nxehtë e aktualitetit është transmetuar live ditën e martë, ku është diksutuar mbi ndërtimet në parkun e liqenit. Të ftuar në panel, zv Kryetari i Bashkisë Arbian Mazniku dhe zv.Kryeministri Niko Peleshi kanë debatuar përballë arkitektit Besnik Aliaj dhe ish-zv.Kreytarit të bashkisë së Tiranës, Eno Bozdo. Diskutimi është zhvilluar në tone të larta, duke çuar madje në largimin e Besnik Aliajt nga emisioni, ende pa u mbyllur ai.
Të mërkurën e 17 Shkurtit, emisioni “Opinion” ia dedikoi një teme dosier nostlagji, që lidhet me një moment historik në jetën socio-politike të shqiptarëve. Një dokumentar i ndërtuar mbi rënien e bustit të diktatorit Enver Hoxha dhe ndryshimet në sistemin politik, u risoll në vëmendjen e shqiptarëve, në 25 vjetorin e kësaj ngjarjeje.
Punësimi, një nga pikat më të nxehta në diskutimet e shqiptarëve, ka qenë të enjten në fokusin e emisionit Opinion. “Shqiptarët të papunë apo të paaftë”? ka qenë pyetja e ngritur nga ky emision, drejt së cilës janë përpjekur të përgjigjen të ftuarit e panelit, ku i pranishëm ishte edhe Ministri i Punës Blendi Klosi, përfaqësuesi i biznesit Luan Bregasi, analisti Andrea Stefani, deputeti i PD-së Edmond Spaho, analisti Artan Hoxha dhe këshilltari në grupin parlamentar të PD-së Dorian Teliti. Diskutime të forta ka pasur mes të ftuarve lidhur me deklaratat e Kryeministrit për mungesën e punonjësve të specializuar, apo mungesën e vendeve të punës, ndërkohë qe edhe në sondazhin e kryer në Opinion.al, qyetarët kanë nxjerrë si shkak të papunësisë mungesën e punonjësve të specializuar.
