Të hënën në emisionin “Opinion”, u diskutua tema “Molotov godinave, çfarë solli protesta?”.
Opozita ka zhvilluar mbrëmjen e të hënës protestën e paralajmëruar e cila ishte në kundërshtim të burgosjes ndaj deputetit të PD Ervin Salianji, por edhe një mosbindje civile që sipas kryetarit Sali Berisha është për arsye se “Edi Rama ka shpallur luftë”.
Është protesta e parë pas kaq vitesh që nuk kishte një skenar të njohur. Ishte një protestë pa fjalime që i ngjante pak a shumë protestës së 21 janarit 2011 që po ashtu shmangu protagonizmin e lidershipit. Protesta u zhvillua që prej orës 18:38 minuta kur liderët e Partisë dolën nga selia, u bashkua dhe një numër liderësh të tjerë si Ilir Meta apo deputetë të tjerë, por në pamje të parë kanë mbetur një numër më i vogël deputetësh që kanë qenë protagonistë gjatë gjithë lëvizjes.
Të Ftuar : Belind Këlliçi, Lisandër Hoxha, Baton Haxhiu, Artan Hoxha, Arbër Hitaj dhe Valbona Mëhilli
Në pjesën tjetër të emisionit “Opinion” ishte një material i përgatitur për “Tirana Business University”, e cila ka një rekord prej 100% të studentëve të diplomuar në këtë universitet janë të punësuar që në vitin e fundit të studimeve. Veç faktit që në dy pre degëve të tij kryesore, Administrim Biznesi dhe Teknologji është ndër më të mirët në Shqipëri, në 14 vite thuajse 100% e studentëve punësohet. Si ndodh kjo? Si ndërthuret teoria me praktikën? Cili është suksesi i studentëve? Cilat janë degët që studentët zgjedhin më së shumti? Cilat degë u garantojnë të ardhmen dhe sukses më të shpejtë e të menjëhershëm?
