Mbrëmjen e 12 Shkurtit emisioni “Opinion” trajtoi rastin e efektivit të policisë Berhan Bajrakurti, i denoncuar nga një qytetar anonim, për tentativë të abuzimit seksual me të bijën e denoncuesit, një vajzë 15-vjeçare.
Ngjarja kishte ndodhur në fshatin Gruemirë të Malësisë së Madhe, ku Bajrakurti ishte i punësuar. Në media është publikuar edhe një video erotike e policit, që sipas denoncuesit i ishte dërguar minorenes.
Skandali shoqëroi edhe një tjetër problematikë, pasi denoncuesi ishte shprehur që edhe pse ishte drejtuar në polici për kallëzim, nuk kishte arritur ta kryente, pasi efektivi i polcisë kishte mbrojtje. Pas publikimi, Berhan Bajrakurti u ndalua nga policia
Të ftuar për të diskutuar këtë temë kanë qenë: Gazetarja Anila Basha e cila publikoi rastin, juristi Jordan Daci, psikiatri Neli Demi dhe gazetari i TV Klan ne Shkodër, Simon Shkreli.
