Në emisionin “Opinion” të së enjtes 7 dhjetor 2023 është trajtuar tema “Kush ka faj për kaosin në parlament?”.
Situata në parlament vijon të jetë e tensionuar. Është java e nëntë që thuajse nuk ka zhvillime normale në parlament, por seancat karakterizohen nga përplasjet, bombat tymuese, gjatë gjithë kohës karriget janë të hedhura në foltore, por kjo nuk ka penguar mazhorancën që të kalojë me shpejtësi e madje të enjten, në më pak se 7 minuta buxhetin e vitit 2024.
Të ftuar në studio për të folur për këtë temë kanë qenë: Iris Luarasi, Baton haxhiu, Robert Rakipllari, Artan Hoxha. Në lidhje: Blendi Klosi, Gazment Bardhi.
Ndërsa në pjesën e tretë është transmetuar një material për “Prestige Home Center” qendrën më të madhe rajonale të mobilimit të shtëpisë. Është koncepti i një qendre nga “A tek ZH” për të mobiluar shtëpinë nga nivelet më të ulëta të mundshme që mund të gjesh jo vetëm në Shqipëri dhe rajon deri tek ato më luksozet.
