Të enjten, më 11 prill në emisionin “Opinion” u trajtua tema “Kush është Altin Dumani?”.
Temë diskutimi ishte puna e SPAK vitet e fundit, e veçanërisht nën drejtimin e Altin Dumanit.
Dumani është 49 vjeç, nga Shupenza e Peshkopisë, arsimin e lartë e ka kryer për Drejtësi në Universitetin “Luigj Gurakuqi” në Shkodër. Ka 25 vjet në sistemin e drejtësisë, ndërsa detyrën e kreu të SPAK e ka marrë para një viti e gjysmë.
Një prej njerëzve në qendër të vëmendjes së mediave shqiptare, një profil jo shumë publik që zakonisht kryen takime private, jo konferenca shtypi.
Të ftuar ishin: Ornela Çuçi, Mark Marku, Adriatik Lapaj, Fatjona Mejdini, Fitim Zekthi, Jordan Daci.
Ndërsa në pjesën e tjetër të emisionit u trajtua tema “Çfarë po ndodh me Ilir Metën?” I cili po shfaqet në publik me profilin e një influenceri në rrjetet sociale duke ngjallur mjaft reagim. Mesa duket kjo është një nga mënyrat që Meta të provokojë. Por duket se fjalimet e tij dhe mënyrës si po krijon profilin në rrjetet sociale tregon se edhe politika shqiptare po spostohet në këtë drejtim.
