Ministri teknik i Punëve të Brendshme, Dritan Demiraj, sonte, përgjatë një interviste përballë gazetarit Blendi Fevziu, është ndalur gjatë tek aksionet e shumta ushtarake të Forcave Speciale të Ushtrisë shqiptare në disa vende të Lindjes së Mesme.
Demiraj është autor i disa librave, kumtesave dhe i pari luftarak në terren dhe trajnues i misioneve “Eagle”, si i tillë, ai njeh mjaft mirë profilin e shumë drejtuesve të shteteve, si dhe shumë lider të grupeve më të famshme terroriste në botë.
Ai është ndalur tek një nga emrat më të kërkuar të terrorizmit në botë, Abu Bakr al-Baghdadi, lideri i Shtetit Islamik (ISIS).
Por kush është Al-Baghdadi, i cili pothuajse çdo ditë terrorizon botën me veprat makabre të organizatës terroriste. I lindur në vitin 1971 në Samara të Irakut, ata të cilët e njihnin Al-Baghdadin si të ri e përshkruanin si “të turpshëm dhe aspak mbresëlënës”.
Megjithatë, Demiraj theksoi se Al-Baghdadi ka qenë një njeri me profil të ulët, i cili arriti të studiojë për teologji në Universitetin e Bagdad-it, deri në nivelin PHD.
