Të enjten në emisionin Opinion u trajtua tema “Kush do ta menaxhojë Xhaminë e re të Tiranës?”
Pas 9 vitesh pritjeje, është inaguruar Xhamia e Namazgjasë në Tiranë. Presidenti turk Erdogan erdhi për herë të gjashtë në Shqipëri. Ai ka ardhur në vitin 2004 për të takuar kryeministrin Nano, në 2009 dhe 2011 për të takuar Berishën, në 2015 për të inaguruar punimet për xhaminë e madhe të Tiranës dhe shtëpitë e tërmetit në 2022.
Lëvizja e tij në Ballkan nuk është e pavëmendshme për shkak të vëmendjes ndërkombëtare që ka krijuar për veten, por edhe për shkak të një politike të jashtme agresive që synon të rrisë influencën e Turqisë në ato vende që janë konsideruar pjesë të Perandorisë Osmane.
Erdogan ka ardhur edhe për të ndarë një lloj vizioni për problemin në Palestinë dhe Izrael, i cili duket se është i ndryshëm nga ai i kryeministrit të Shqipërisë.
Të ftuar në studio Berat Buzhala, Gerta Zaimi, Edlira Durmishaj, Redi Shehu, Ergys Muzhaqi, Kreshnik Osmani
Në Skype: Gloria Shkurti Ozmdemir dhe Gazmend Teqja.
Në pjesën tjetër të emisionit, historitë e së enjtes. Një nga pesë lavatriçet e para në botë, të ndërtuara në Suedi ndodhet sot në Tiranë. Ajo gjendet në showroom-in e Vanco, i cili është një koncept –showroom që përmban ndër elektroshtëpiaket më ekskluzive që prodhohen në botë. Gjithashtu ka marrë edhe çmimin si “Koncept dizajn më i mirë i vitit 2023”.
Brenda saj është një nga lavatriçet e para të prodhuara me korrent, e cila është padyshim një pjesë e jashtëzakonshme e historisë. Ajo rrethohet nga disa prej prodhimeve elektroshtëpiake më ekskluzive dhe të sofistikuara./Opinion.al
