Të hënën, më 27 maj 2024 në emisionin “Opinion” u trajtua tema “Kombëtarja, kush shkon në Gjermani?”
Trajneri Sylvinho ka shpallur sot listën zyrtare të futbollistëve të kombëtares për kampionatin europian. Lista ka lënë jashtë disa emra të mëdhenj si Cikalleshi e Uzuni, ndërsa ka rikthyer disa futbollistë. Syvinho u shpreh se duhet të ishin të paktën edhe 7 futbollistë të tjerë, por zgjedhjet janë të vështira.
Kjo pjesë e programit ndahet në dy seksione ku në të parin do të diskutohet lista e Sylvinho dhe në të dytin do të ketë 3 lidhje të drejpërdrejta me: -Megi Çopa, koordinatore e administratës së FSHF për të folur për instruksionet që duhet të kenë tifozët që do të ndjekin ekipin kombëtar në Gjermani -Albana Nanaj flet për çmimet e biletave dhe hoteleve në Gjermani, çfarë po ndodh dhe si rriten shifrat -Administratori i kompanisë DBR shpjegon rishitjen e biletave që shpeshherë bën që çmimet të jenë shumë herë më të larta sesa ato zyrtare.
Të ftuar: Viola Spiro, Sabina Mete, Ilir Shulku, Andi Salihi, Genti Lasku, Alban Xhihani
Në pjesën tjetër të emisionit u transmetua “31 Minuta” me temat: Rikthimi i dezinsektimit! dhe Turizëm në ujëra të ndotura!/Opinion.al
