Një udhëtim thuajse treditor në Damask të Sirisë, një prej vendeve më në qendër të vëmendjes në botë. Në një rrugëtim tokësor nga kufiri me Jordaninë deri në Damask dhe një qëndrim atje që ka rezultuar në një eksplorim jo vetëm për situatën aktuale atje, pjesës interesante nga ana gazetareske ku kamera e emisionit “Opinion” u bë kamera e parë që hyri dhe raportoi në Damask drejtpërdrejt për një televizion shqiptar. Hyrja atje nuk është kaq e thjeshtë në këto momente dhe siguria është mjaft problematike. Gjatë kësaj vizite, Blendi Fevziu ra në kontakt me komunitetin shqiptar atje që vazhdon ta ruajë gjuhën shqipe, identitetin dhe zakonet. Një dokumentar 44-minutësh nga momenti i parë i mbërritjes në Jordani dhe deri në momentin e rikthimit. Që nga mënyra e sigurisë, sistemi i rojeve që të mësojnë si të largohesh në rast rreziku. Problemi që është sot në Siri është se duket si një vend i askujt për arsye se grupet që e dominojnë nuk kanë gjetur një marrëveshje mes tyre për ta administruar siç duhet.
Në studio ishte i ftuar edhe Gentian Mara, një shqiptar që ka studiuar në Siri dhe rrëfen historinë e shqiptarëve të Sirisë.
Gjithashtu në studion e ‘’Opinion’’ ishte i ftuar Lorenc Rapa, babai i 3-vjeçarit të dhunuar në kopshtin e fëmijëve në Tiranë nga edukatorja ka dhënë një intervistë ekskluzive. Gjatë rrëfimit të tij, Rapa thotë se ngjarjen ia ka rrëfyer i biri i tij, i cili ju ka thënë prindërve se edukatorja “e ka kapur tek dora”.
Në një intervistë nga SHBA ishte Naser Nika, një kontribues i komunitetit shqiptar në Nju-Jork që ka ndihmuar për emërtimin e disa rrugëve të Nju-Jorkut me emrat e patriotëve shqiptarë.
