Mbrëmjen e kësaj të hëne, 6 Prill, në emisionin “Opinion” në Tv Klan u trajtua reportazhi i përgatitur, në lidhje me festën e Pashkëve, një nga eventët e përvitshme më të rëndësishme të arbëreshëve të Italisë në “Piana degli Albanesi”, një nga vendbanimet shqiptare në afërsi të Palermos në Siçili.
“Piana degli albanesi” është vendbanimi më i madh arbëresh në Itali dhe përbën një krenari reale për ruajtjen e gjuhës, zakoneve, traditave dhe besimit te shqiptarët.
Në reportazh do të përfshihen imazhet impresionuese të festës së tyre, të paradës dhe kostumeve të tyre unike të punuara në mënyrë artizanale me detaje në ar dhe argjend.
Gjatë emisionit do të jenë të intervistuar disa personalitete shqiptare dhe arbereshë, të cilët do të flasin më shumë në lidhje me këtë traditë impresonuese, detaje mjaft interesante që do të ftonin këdo ta vizitonte këtë vend të paktën një herë në jetë.
