Të mërkurën në emisionin “Opinion” u diskutua tema “Eskorta ndërkombëtare për prostitucion në Tiranë”.
Fokus në një fenomen që së bashku me shtimin e turizmit, të huajve që vijnë në Shqipëri, por edhe me zhvillim në përgjithësi të vendit, po kthehet në një fenomen shumë të çuditshëm. Pak ditë më parë policia ndërmori një aksion për të ndaluar dy vajza, një ruse dhe dy ukrainase që ishin bërë bashkë pavarësisht kombësisë së tyre dhe luftës mes dy vendeve. Vajzat ushtronin prostitucionin në nivel të gjerë, përmes një rrjeti vajzash kryesisht të huaja. Gjatë hetimit u zbulua që ishin pjesë e një rrjeti që quhet “Eskortat në Tiranë online”. Në faqen e internetit, veç fotove të vajzave jepen edhe detaje të hollësishme rreth pamjes së tyre, pagesave, preferencave që kanë etj.
Të ftuar: Klodiana Lala, Saimir Kodra, Eljan Tanini, Suela Koçibelli.
Në pjesën e dytë dhe të tretë të emisionit ishin të ftuar 3 “të marrë”. Berat Buzhala, Burim Pacolli dhe Visar Arifi, tre gazetarët nga Kosova ndërmorën një nismë të çuditshme. Ata u nisën në këmbë nga grykëderdhja e Bunës dhe ecën përmes GPS 450 km për 25 ditë në këmbë duke kaluar me mjete rrethanore pengesat dhe arritën deri në ishullin e Tongos që është skaji më jugor i Shqipërisë. Do të kishin ecur 480 km nëse nuk do të kishin tejkaluar Karaburunin për shkak të pamundësisë për ta oër ta përshkuar. Ata janë shprehur se për 25 ditë nuk kanë paguar asnjë euro të vetme sepse të gjithë u jepnin mundësi të flinin ose ushqeheshin pa paguar asgjë./Opinion.al
