Të mërkurën në emisionin “Opinion” ishte i ftuar ish-ministri i Brendshëm Fatmir Xhafaj.
Fatmir Xhafaj, deputeti i PS, ish -ministër i Brendshëm, kryetar komisioni ka hapur mjaft debate lidhur me atë se çfarë po rishikon te organet e drejtësisë. Në qendër të vëmendjes ditët e fundit edhe për shkak të dënimit të deputetit të opozitës, Ervin Salianji i cili ishte paditur nga vëllai i Fatmir Xhafajt, po ashtu edhe për një sërë akuzash politike që kanë qenë në vijim për vite me radhë. Xhafaj do të flasë për tre çështje: raporti me vëllain dhe historia me të, çështjet politike dhe të komisionit. Një komision i cili për momentin nuk kanë pranuar që të jenë të pranishme Gjykata Kushtetuese, Gjykata e Lartë, Prokuroria e Posaçme, Këshilli i Lartë Gjyqësor, Inspektorati i Lartë i Drejtësisë dhe një sërë organizatash të shoqërisë civile.
Në pjesën e tretë ishte Tony Wheeler, i cili në vitin 1973 bashkë me bashkëshorten udhëtoi me makinë nga Londra drejt Kabulit. Në mbarim, ai shkroi një libër që u bë një ‘bestseller’ Libri i dytë i udhëtimit të tyre në Indi pati akoma më shumë shitje dhe themeloi një kompani që e quajti Lonely Planet. Lonely Planet në momentin që u shit te BBC Worldwide kishte rreth 190 milionë libra të publikuar dhe guida për të gjithë vendet e globit, madje edhe për Shqipërinë që deri në vitin 1990 ai nuk kishte arritur të ndërtonte një histori. Willer e shiti kompaninë të cilën e kishte ngritur vetëm me bashkëshorten dhe punonin 500 vetë në Britaninë e Madhe dhe Amerikë për 226 milionë euro./Opinion.al
