Mbrëmjen e së enjtes, në emisionin “Opinion” ishte i ftuar kryeministri i Shqipërisë, Edi Rama.
Përballë një paneli gazetarësh ai foli për problematikën e maskave që janë bërë të detyrueshme në të gjithë ambientet, për akuzat e opozitës rreth inceneratorëve si dhe për zgjedhjet e 25 prillit ku Partia Socialiste kërkon një mandat të tretë qeverisës.
Të ftuar në studio për të debatuar me kryeministrin ishin: Fatjona Mejdini, Lorenc Vangjeli, Robert Rakipllari dhe Armand Shkullaku.
Debati u zhvillua me tone të forta për temën e inceneratorëve pas akuzave të PD-së. Kryeministri solli në studio disa pamje që sipas tij tregonin ndryshimin mes trajtimit të mbetjeve në kohën e PD-së dhe në qeverisjen e PS-së. Sa i përket inceneratorit të Fierit, kreu i qeverisë tha se nuk ka mbaruar investimi. Megjithatë sipas tij projekti përfundon në fund të vitit.
Kreu i qeverisë ktheu përgjigje edhe për inceneratorin e Elbasanit. Sipas tij, ky incenerator është në punë dhe prodhon energji, por për shkak të një problemi me autoritetin rregullues nuk ka marrë para.
Në studio ndërhyri në një lidhje telefonike edhe kreu i Partisë Demokratike, Lulzim Basha për të shpjeguar një akuzë të Kryeministrit, sipas të cilit gjatë kohës që ishte Kryetar i Bashkisë së Tiranës, Basha ka tentuar të japë me konçension landifllin e Sharrës.
Për më tepër ndiqni emisionin në videon e mëposhtme:
