Në pjesën e parë të emisionit “Opinion” të së enjtes, 5 prill 2024, është diskutuar tema “Dosjet përvëluese të Dumanit”, e cila u realizua pasi kreu i SPAK, publikoi raportin vjetor të punës.
Më studio ishin të ftuar Blerina Gjylameti, Agron Shehaj, Fatjona Mejdini, Klodiana Lala, Lorenc Vangjeli.
Në pjesën e dytë të emisionit, vëmendja u zhvendos në zgjedhjet në Turqi, konkretisht në temën “Qytetet leksion demokracie Erdoganit!”
Të ftuar në studio ishin Redi Shehu dhe Agim Nesho, të cilët i bënë një analizë zgjedhjeve lokale në Turqi, të cilat i dhanë një goditje të fortë Presidentit turk Erdogan.
Zgjedhjet në Turqi ishin një lajm botëror. Erdogan, një prej presidentëve më të fuqishëm të Ballkanit dhe më autoritarë të Europës është dërrmuar në zgjedhjet lokale turke sepse nuk ka fituar thuajse asnjë njësi në pjesën europiane të Turqisë. Fitoi në brendësi të Anadollit në zona të tjera, por ka rihumbur pas një beteje shumë të gjatë dhe të vështirë të 4 viteve më parë, Stambollin, Ankaranë, Izmirin, thuajse të gjitha qytetet kryesore. Çfarë po ndodh me të? Humbja e zgjedhjeve dhe ripërsëritja e humbjes në Stamboll, Izmir e Ankara tregon që në Turqi ka zgjedhje relativisht normale që mund të çojnë në një rezultat si ky.
Në pjesën e tretë emisionit, “Historitë e së enjtes” u trajtua tema se çfarë bëjnë kompanitë shqiptare për të mbajtur punonjësit në punë në një konkurrencë me vendet perëndimore që ofrojnë rroga më të larta, mundësi më të mira akomodimi, një lloj mungese të stresit ose rregulla pune shumë më të konsoliduara sesa kompanitë shqiptare, për shumë kompani është kthyer në një problem të madh. Në “KEIT Day Hospital”, drejtori i saj, Skerdi Faria tregon se çfarë politikash ndjek kompania e tij dhe sa e vështirë është të mbash punonjësit që mos të t’i marrë Perëndimi, çfarë politikash duhet të zbatosh dhe si duhet të sillesh me ta në mënyrë që të garantosh që punonjësit mos të zgjedhin emigracionin?
